काठमाडौं। नेपाली कांग्रेस संसदीय दलको बैठक सुरु भएको छ । संसद् भवनस्थित ल्होत्से हलमा जारी बैठकमा आजबाट सुरु हुने संसदको हिउँदे अधिवेशनमा पार्टीका सांसदको प्रस्तुतिलगायत विषयमा बैठकमा छलफल हुने नेताहरूले बताएका छन् ।

बैठकमा समसामयिक राजनीति, अध्यादेश ल्याएको बारेमा सरकारमा सहभागी मन्त्रीहरूले सांसदका प्रश्नको जवाफ दिने, संसदमा कसरी प्रस्तुत हुने भन्नेबारेमा सांसदहरूलाई प्रशिक्षण दिइनेछ । अध्यादेश विवादपछि अन्ततः आज सङ्घीय संसद्को हिउँदे अधिवेशन सुरु हुँदैछ ।

सत्ता पक्ष पछिल्लो समय ल्याइएका ६ वटा अध्यादेश संसदबाट पारित गर्ने तयारीमा छ भने प्रतिपक्षी संसद् रोकेर बदनियतपूर्ण तरिकाले ल्याइएको अध्यादेश फिर्ता हुनुपर्ने माग गरिरहेका छन् ।