काठमाडौं । पूर्वी फ्रान्सको मिलोस शहरमा छुरा प्रहारको घटनामा एक जनाको मृत्यु भएको छ भने दुई प्रहरी गम्भीर घाइते भएका छन्।

घटनास्थलबाट ३७ वर्षीय अल्जेरियन पुरुषलाई पक्राउ गरिएको छ। उनीविरुद्ध आतंकवाद मुद्दाको अनुसन्धान सुरु गरिएको छ।

संदिग्ध व्यक्तिले “अल्लाहु अकबर” वा “भगवान महान हुनुहुन्छ” भनेर चिच्याएको बताइएको छ।

यो शंकास्पद व्यक्तिले दुई प्रहरीलाई गम्भीर घाइते बनाएका छन् । एक प्रहरीको घाँटीमा र अर्कोको छातीमा चोट लागेको छ।

यसैबीच, एक ६९ वर्षीय पोर्चुगिज पुरुषले हस्तक्षेप गर्न खोजे र चक्कुको चोटका कारण उनको मृत्यु भयो।

स्थानीय अभियोजकका अनुसार संदिग्ध व्यक्ति आतंकवाद निगरानी सूचीमा भएकोले उनलाई देश निकाला गर्न आदेश दिइएको थियो।

राष्ट्रपति इमानुएल म्याक्रोंले भने “यो इस्लामवादी आतंकवादी हमला थियो भन्नेमा कुनै शंका छैन”।

पीडित परिवारलाई श्रद्धाञ्जली अर्पण गरेपछि म्याक्रोनले भने, “म हाम्रो माटोबाट आतंकवाद उन्मूलन गर्न काम गरिरहने सरकार र मेरो संकल्प दोहोर्याउन चाहन्छु।”

यो घटना प्रजातान्त्रिक गणतन्त्र कंगोको समर्थनमा भएको प्रदर्शन नजिकै भएको थियो, जहाँ प्रहरी अधिकारीहरू गस्तीमा थिए।

“आतंकवादले हाम्रो शहर कब्जा गर्यो,” मिलुजका मेयर माइकल लुट्जले फेसबुकमा लेखे।