कीभ । युक्रेनी राष्ट्रपति भ्लादिमर जेलेन्स्कीले पत्रकार सम्मेलन गरेर पदबाट राजिनामा दिन तयार भएको बताएका छन् ।

तर, जेलेन्स्कीले युक्रेनको लागि शान्ति र नेटो सदस्यता बनाउनु पर्ने सर्त पुरा गरे तत्कालै राष्ट्रपति पद छाड्ने जनाएका हुन ।

जेलेन्स्कीले आइतवार भने कि यदि यसबाट मुलुकमा शान्ति ल्याउँछ र उनको देश नेटोको सदस्यता प्राप्त गर्छ भने उनी तुरुन्तै राष्ट्रपति पद छोड्न तयार रहेका छन्। रूस र अमेरिका बिच सबन्ध नजिकिए पछि तनावमा रहेका जेलन्सकीले ट्रम्पलाई भेट्ने इच्छा पनि व्यक्त गरेका छन् ।

जेलेन्स्कीले आफ्नो देशले नेटोको सदस्यता पाएमा आफू तत्काल राष्ट्रपति पद छाड्न तयार रहेको बताए पछि स्थिति आंकलन गर्न सकिने अन्तराष्ट्रिय सञ्चारमाध्यमले जनाएका छन ।

जेलेन्स्कीले कीभमा पत्रकार सम्मेलनमा भने, ‘यदि युक्रेनमा शान्ति बहाली हुन्छ छ, यदि तपाईं साँच्चै मलाई मेरो पद छोडाउन चाहनुहुन्छ भने म तयार नै छु तर म मुलुकलाई नाटो सदस्यको रूपमा रहेको हेर्न चाहान्छु । यो पुरा गरेमा तुरुन्तै पद छाड्न पनि तयार छु ।’

जेलेन्स्कीले पनि अमेरिकी राष्ट्रपति डोनाल्ड ट्रम्पलाई तानाशाह भन्दै जवाफ दिएका छन् । उनले भने, ‘ट्रम्पले प्रशंसाको रूपमा प्रयोग गरेका शब्दहरूलाई म पक्कै पनि वर्णन गर्दिन, यदि कुनै तानाशाह थियो, त्यो उहाँ पनि हो, उहाँ चाँही तानाशाह शब्दले चित्त दुखाउनु हुन्छ, म होइन। म कानुनी रूपमा निर्वाचित राष्ट्रपति हुँ।’

साथै, युक्रेनी राष्ट्रपतिले भने कि अमेरिकी राष्ट्रपति डोनाल्ड ट्रम्पले रुसी राष्ट्रपति भ्लादिमिर पुटिनसँग भेट्नु अघि युक्रेनको प्राकृतिक स्रोतहरूमा पहुँच प्रदान गर्ने सम्झौताको बारेमा छलफल गर्नु पर्दछ।

जेलेन्स्कीले भने, ‘युक्रेनको सुरक्षा चिन्तामा सहमतिमा पुग्नको लागि हामीले भेटेर यस बारे कुरा गर्न आवश्यक छ। मलाई लाग्छ कि यो बैठक निष्पक्ष हुनुपर्छ, जसको मतलब ट्रम्प र पुटिन भेट्नु अघि नै त्यो बैठक हुनु पर्छ।’

यससँगै जेलेन्स्कीले भने कि उनी डोनाल्ड ट्रम्पले आफ्नो स्थिति बुझ्ने र युक्रेनलाई रुसी आक्रमणबाट बचाउन ठोस सुरक्षा ग्यारेन्टी दिन चाहन्छन्। जेलेन्स्कीले भने, ‘म ट्रम्पबाट एकअर्काको बारेमा धेरै कुरा बुझ्न चाहन्छु। हामीलाई ट्रम्पबाट सुरक्षा ग्यारेन्टीहरू अत्यन्तै आवश्यक छ,’ उनले भने।