ढाका। राष्ट्रिय नागरिक समिति (जेएनसी) र भेदभाव विरोधी विद्यार्थी आन्दोलन (एडिएसएम) का नेताहरूले नयाँ राजनीतिक दल घोषणा गर्ने भएका छन्।

ढाका ट्रिब्युनका अनुसार शेख हसिनलाइ अपदस्थ गराउने बिधार्थी आन्दोलनका नेतृत्वकर्ताले नयाँ राजनीतिक दल शुक्रबार दिउँसो ३ बजे माणिक मिया एभिन्यूमा घोषणा गर्ने कार्यक्रम रहेको जनाएका छन्। जेएनसीका प्रमुख आयोजक सर्जिस आलमले सोमबार साँझ ७ बजे समितिको कार्यालयमा पत्रकार सम्मेलन गरी मिति घोषणा गर्ने जानकारी दिएका हुन्।

सर्जिस आलमले शुक्रबारको औपचारिक घोषणासँगै एडीएसएम र जेएनसीले जुलाई विद्रोहको भावनालाइ कायम राखेर थप अधिकारको लडाइ जारी राख्न नयाँ पार्टी गठन गरिन लागेको बताए।

जेएनसी र एडिएसएमका नेताहरूले फेब्रुअरी ५ मा सुरु भएको ‘तपाईंको आँखामा नयाँ बंगलादेश’ शीर्षकको कार्यक्रम अन्तर्गत राय अभियान सञ्चालन गर्दै आएका थिए। खासमा सो सर्वेक्षणको उद्देश्य नयाँ पार्टीको बारेमा जनमत सङ्कलन गर्नु थियो। जेएनसीका सदस्य सचिव अख्तर हुसेनका अनुसार आइतबार दिउँसोसम्म २ लाखभन्दा बढी व्यक्तिले सर्वेक्षणमा भाग लिएका थिए।

उनका अनुसार नयाँ राजनीतिक दल खोल्न अधिकांसले सुझाव दिए पछि जनताको प्रतिक्रिया र अपेक्षाका आधारमा पार्टीको एजेण्डा र कार्यक्रम तय गरिने भएको छ। भ्रष्टाचारमुक्त मुलुक, सुशासन, जवाफदेहिता, सामाजिक न्याय, समान अवसर, आर्थिक समृद्धि र संस्थागत सुधारलाई नागरिकले प्राथमिकतामा राखिने उनले बताए।

‘हाम्रो नयाँ राजनीतिक पार्टीले यी बुँदाहरूमा ध्यान केन्द्रित गर्नेछ र हाम्रो एजेन्डा र कार्यक्रमहरूलाई जनताको अपेक्षा अनुरूप पङ्क्तिबद्ध गर्नेछ,’ अख्तर हुसेनले पत्रकार सम्मेलनमा भने।

सर्वेक्षणले पार्टीको नेतृत्व चयन गर्दा इमानदारीलाई उच्च प्राथमिकतामा राखेको पनि देखाएको छ। पार्टीले आन्तरिक लोकतन्त्रको अभ्यास गर्न, परिवारमा आधारित नेतृत्वबाट जोगिन र सबै जातजातिका महिला र प्रतिनिधिलाई समावेश गर्नुपर्ने सुझाव दिएको छ।

उनीहरूका अनुसा जनता दल, नोटुन बंगलादेश पार्टी, क्रान्तिकारी पार्टी, नागरिक शक्ति, छात्र जनता पार्टी, बंगलादेश क्रान्तिकारी पार्टी, गणतन्त्र पार्टी र राष्ट्रिय शक्तिलगायत सबै भन्दा सामान्य सिफारिसहरू सहित नयाँ पार्टीका लागि जुलाई क्रान्तिसँग सम्बन्धित धेरै नामहरू सुझाव आएको जनाइएको छ।

जनताले संघर्ष, विकास र एकताको प्रतिनिधित्व गर्ने पार्टीको चिन्ह र प्रतीक पनि सिफारिस गरेका छन्। सबैभन्दा लोकप्रिय प्रतिकहरूमा उदाउँदो सूर्य, पुस्तकहरू, रूखहरू, मुट्ठीहरू र कलमहरू समावेश छन्। तर, पार्टीको अन्तिम चिन्ह भने नयाँ पार्टी दर्ता  भए पछि मात्रै तय हुने भएको छ।

जेएनसीका स्रोतहरूका अनुसार नाहिद इस्लामले नयाँ पार्टीको संयोजकको रूपमा काम गर्न अन्तरिम सरकारको सल्लाहकार परिषदबाट राजीनामा दिन सक्ने जनाइएको छ। अख्तर हुसेन पार्टीको महासचिवको जिम्मेवारीमा आउन सक्ने जनाइएको छ। जुन उनी हाल जेएनसी मुख्य जिम्मेवारीमा रहदै आएका छन्।