काठमाडौं । गायक कुशल ढकालको नयाँ गीत बजारमा सार्वजनिक भएको छ। मेरी पियारी बोलको गीतमा गायक कुशलले नै शब्द, संगीत र स्वर भरेका हुन्।

प्रवेश सिंहले निर्देशन गरेका उक्त गीतमा मनोज सुनार, कविता न्यौपानेको बेजोड अभिनय रहेको छ। साथै एरेन्ज तथा गिटारमा सरोज बिष्टले साथ दिएका छन् भने रेकर्डिङ र मिक्सिङ ए वन म्युजिसिएनबाट भएको हो। क्यामेरा र भिडियो एडिटको काम अमन बडुले गरेका छन्।

गीतमा मिठो गिटार र म्यान्डोलिनको धुन सरोज बिष्टले भरेका छन्। मेरी पियारी गीत गायक कुशल ढकालको आफ्नै युट्युब च्यानल कुशल ढकालबाटै सार्वजनिक भएको हो।

केही समयअघि मात्रै गायक कुशल ढकालको कालो टिका र तिम्रो यादमा बोलको गीत सार्वजनिक भएको थियो।