काठमाडौं । हमासद्वारा सञ्चालित नागरिक रक्षा एजेन्सीले गाजामा राति इजरायली हवाई आक्रमणमा ५५ प्यालेस्टिनीको मृत्यु भएको पुष्टि गरेको छ।

इजरायलले यस हप्ता गाजामा बमबारी र स्थल आक्रमण पुनः सुरु गरेपछि यो आक्रमण भएको हो।

हमासद्वारा सञ्चालित स्वास्थ्य मन्त्रालयका अनुसार पछिल्ला दुई दिनमा भएका यी आक्रमणहरूमा ४३० भन्दा बढीले ज्यान गुमाएका छन्।

हमासले बुधबार इजरायलले सुरु गरेको नयाँ स्थल कारबाही युद्धविराम सम्झौताको गम्भीर उल्लङ्घन भएको बताएको छ।

युद्धविराम जनवरीमा लागू गरिएको थियो, तर यसलाई बढाउने वार्ता असफल भएपछि इजरायलले मंगलबारबाट पुनः आक्रमण सुरु गर्यो।

इजरायलले हमासले बाँकी बन्धकहरूलाई रिहा नगरेसम्म गाजामा आक्रमण तीव्र पार्ने चेतावनी दिएको छ।

इजरायलले हमासले अझै पनि ५९ जना बन्धक बनाएको बताएको छ, जसमध्ये २४ जना जीवित रहेको अनुमान गरिएको छ।

इजरायली रक्षा बल (आईडीएफ) ले बिहीबार उत्तर र दक्षिण बीच सुरक्षा क्षेत्र सिर्जना गर्न गाजामा स्थलगत कारबाही सुरु गरेको बताएको छ। सेनाले यसलाई सीमित जमिन अपरेशन भनेको छ।

आइडीएफका प्रवक्ता कर्नेल अभिखय आद्रेले भने कि सेनाहरूलाई गाजाको उत्तरी र दक्षिणी क्षेत्रहरूलाई छुट्याउने नेत्जारिम करिडोरमा पठाइएको थियो।