काठमाडौं । अफगानिस्तानका तालिबान अधिकारीहरूले अमेरिकाले उनीहरूका तीन नेताहरू – सिराजुद्दीन हक्कानी, अजिज हक्कानी र याह्या हक्कानीमाथिको इनाम हटाएको बताएका छन्। यद्यपि, यसबारे अमेरिकाले अहिलेसम्म कुनै टिप्पणी गरेको छैन।

रोयटर्सको रिपोर्ट अनुसार अफगानिस्तानको गृह मन्त्रालयका प्रवक्ताले शनिबार अमेरिकाले सिराजुद्दीन हक्कानीमाथि घोषणा गरिएको १ करोड डलरको इनाम हटाएको बताएको छ ।

एफबीआईको वेबसाइटमा अफगानिस्तानका कार्यवाहक गृहमन्त्री सिराजुद्दीन हक्कानीमाथि अझै पनि दस मिलियन डलरको इनाम छ। हक्कानीले “अफगानिस्तानमा अमेरिकी र गठबन्धन सेना विरुद्ध सीमापार आक्रमणहरूमा भाग लिएको” भनिएको छ।

सिराजुद्दीन हक्कानीसँगै अब्दुल अजिज हक्कानी र याह्या हक्कानी पनि अमेरिकामा खोजीमा छन्।

ट्रम्प प्रशासन अफगानिस्तानमा कैद गरिएका अमेरिकी नागरिकहरूको रिहाइ सुनिश्चित गर्न प्रयासरत छ। अफगानिस्तानमा दुई दशकदेखि चलिरहेको युद्धमा २,००० भन्दा बढी अमेरिकी सेवा सदस्यहरू मारिएका छन्।