काठमाडौं। प्रतिनिधिसभा बैठक भोलि बिहान ११ बजेसम्मका लागि स्थगित भएको छ।

आज बिहान ११ः०० बजेका लागि तय गरिएको बैठक अझै सुचारू हुन नसके पछि सहमतिका आधारमा दिउँसो २ः०० बजे बस्ने भनिएको थियो। तर, यो समयमा पनि बैठक बस्न नसके पछि सूचना टाँस गरेर भोली बिहान ११ः०० बजेसम्मका लागि स्थगित भएको हो।

बैठक नियमित प्रक्रिया अनुसार अघि बढाउन सभामुख देवराज घिमिरेले संसदमा प्रतिनिधित्व गर्ने सबै राजनीतिक दलका प्रमुख सचेतकसँग छलफल गरे पनि हल निस्कन नसक्दा बैठक २ दिन देखी सञ्चालन हुन सकेको छैन्।

प्रतिपक्षी दलले घिसिङलाइ हटाउने निर्णयका बारेमा प्रधानमन्त्री केपी शर्मा ओलीले संसदमा जवाफ दिनु पर्ने माग गरिरहेका छन तर प्रधानमन्त्री ओलीले भने एक जना कर्मचारी हटाउने सरकारको निर्णयमा संसदमा जवाफ माग्ने कार्य अनुचित भएको बताएका छन्। उनले आफूले घिसिङ हटाउने विषयमा संसदमा जवाफ नदिने हिजै बताइसकेका छन्।

तर, प्रतिपक्षको अडान भने प्रधानमन्त्री ओलीले संसदमा गएर जवाफ दिनु पर्ने रहेको छ।