रुपन्देही । दाङको तुलसीपुरबाट भारतमा तीर्थ यात्राका लागि गएको स्कार्पियो बिहीबार दिउँसो ४ बजे दुर्घटना हुँदा चार जनाको ज्यान गएको छ।

बिहीबार बिहान तुलसीपुरबाट छुटेको भारतीय नम्बर प्लेटको युपी ३१ एसी ७२०० नम्बरको स्कार्पियो गाडी भारतको बहराइचमा दुर्घटना हुँदा चार जनाको ज्यान गएको हो।

दुर्घटनामा गाडी चालक तुलसीपुर–७ पर्सेनी निवासी अन्दाजी ३७ वर्षीय युवराज चापागाईं, तुलसीपुर–७ श्रीगैँ निवासी मोतिराम वलीको आमा ८० वर्षीय वृद्धाको मृत्यु भएको प्रहरीले जनाएको छ। अन्य दुई मृतकको सनाखत हुन सकेको छैन।

गाडीमा नौ जना सवार रहेकोमा घाइते भएकाहरूको उपचार भइरहेको छ।