काठमाडौं । गृहमन्त्री रमेश लेखकले लोकतान्त्रिक गणतन्त्रमा जनताले सरकारलाई प्रश्न गर्न पाउने र सरकारले जवाफ दिनुपर्ने बताएका छन्।

आइतबार काठमाडौंमा आयोजित रिपोर्टर्स क्लब नेपालको २७औं वार्षिकोत्सव समारोहमा बोल्दै उनले राजतन्त्रमा हुकुम नै कानन हुने भन्दै लोकतान्त्रिक गणतन्त्रमा जनताले प्रश्न गर्न पाउने बताएका हुन्।

‘म आग्रह गर्न चाहन्छु जनताबाट निर्वाचित पद्धति जनताको नियन्त्रण रहन्छ। जनताले प्रश्न गर्न पाउँछन्। जुन पद्धतिले जनताबाट निर्वाचित प्रतिनिधिले जवाफ दिनुपर्छ। आलोचनालाई स्वीकार गनुपर्छ। पद्धतिविरुद्ध, संविधान भन्दा माथि राजतन्त्र पद्धति नै उचित होला भनेर भ्रममा परियो भने देश थप अध्यारोतर्फ जान्छ,’ उनले भने।

उनले पद्धतिलाई ठिक गर्न, कमजोरीलाई सुधार गर्न र यसैलाई असल लोकतान्त्रिक रुपमा विकसित गर्नुपर्ने उनको भनाई छ।