काठमाडौं। नेपाल आयल निगमले डिजेल, मट्टितेल र हवाई इन्धनको मूल्य घटाएको छ। निगमको सञ्चालक समितिले मंगलबार राति १२ बजेबाट लागू हुनेगरी डिजेल, मट्टितेल र हवाई इन्धनको मूल्य घटाएको हो।

निगमले इण्डियन आयल कर्पोरेशनबाट डिजेल, मट्टितेल र हवाई इन्धनको मूल्य घटेर आएकाले मूल्य समायोजन गरिएको जनाएको छ। निगमका अनुसार डिजेल र मट्टितेलमा २ रुपैयाँले मूल्य बढाइएको छ। यस्तै हवाई इन्धनमा आन्तरिकतर्फ प्रतिलिटर ७ र अन्तर्राष्ट्रियतर्फ काठमाडौंका लागि प्रतिलिटर ५१ डलरका दरले घटाइएको छ भने पोखरा र भैरहवाका लागि ब्रेक इभन पोइन्टमा बिक्री मूल्य कायम गरिएको निगमले जनाएको छ।

नयाँ मुल्यअनुसार अब डिजेल पहिलो वर्गमा १४६.५०, दोस्रोमा १४८ र तेस्रोमा १४९ रुपैयाँ भएको छ।