काठमाडौं । म्यानमारमा ७.७ म्याग्निच्युडको भूकम्पपछि सोमबार पनि उद्धार कार्य जारी रह्यो। म्यानमारको सैन्य सरकारका अनुसार मृत्यु हुनेको संख्या २ हजार नाघेको छ।

म्यानमारको सैन्य सरकारले भूकम्पमा २,०५६ जनाको मृत्यु भएको बताएको छ। ३,९०० भन्दा बढी मानिसहरू घाइते भएका छन् र २७० जना अझै बेपत्ता छन्।

राष्ट्रिय प्रकोपबाट हुने क्षतिको मात्रालाई दबाउने यहाँको सैन्य नेतृत्वको इतिहास रहेकोले म्यानमारबाट जानकारी प्राप्त गर्न गाह्रो छ ।

यसैबीच, विश्व स्वास्थ्य संगठनले म्यानमारमा आएको भूकम्पसँग जुध्न ८० लाख डलरको सहयोगको लागि अपील गरेको छ।

संस्थाका प्रवक्ताले म्यानमारका अस्पतालहरू पनि भूकम्पबाट प्रभावित भएको र घाइतेहरूको संख्या बढ्दै जाँदा अस्पतालहरूमा धेरै दबाब रहेको बताए।