काठमाडौ । चीनको ग्वाङ्डोङ प्रान्तको फोशानमा बस्ने ३० वर्षीय अवकाशप्राप्त बक्सर चेन अहिले पार्ट-टाइम फिटनेस प्रशिक्षक र बक्सिङ प्रशिक्षकको रूपमा काम गर्छन्। आजकल उनी आफ्नो असामान्य घरपालुवा जनावरको कारण रातारात प्रसिद्ध भएका छन्।

जनवरीमा चेनले आफ्नो लागि घरपालुवा जनावरको रूपमा एउटा भैंसीको पाडो किने। सुरुमा उनले कुकुर पाल्ने योजना बनाएका थिए तर यसको बारेमा सोच्दै जाँदा उनलाई भैंसी पाडो मन पर्यो। उनले उक्त जनावरले आफूलाई आफ्नो जीवनको लक्ष्य प्राप्त गर्न कडा परिश्रम गर्नुपर्छ भनेर निरन्तर सम्झाउने गरेको दाबी गर्छन्।

सबैको घरपालुवा जनावरको सम्बन्धमा आफ्नै रोजाइ हुन्छ तर चेनको यो असामान्य रोजाइले उनलाई दुई पटक समस्यामा पारेको छ। उनले आफ्नो भाडाको फ्ल्याटमा पाडो पाल्न खोजेपछि घरबेटीले उनलाई फ्ल्याट खाली गर्न भने। तर, उनले त्यो घर छोड्न अस्वीकार गरे र हाल भाडामा लिन अर्को ठाउँ खोजिरहेका छन्। चेनले पाडोलाई ‘बुल डेमन किंग’ नाम दिएका छन्।

चेनले सामाजिक सञ्जाल प्लेटफर्म एक्समा फूड ब्लगरको रूपमा आफ्ना भिडियोहरू साझा गर्छन्। यी भिडियोहरूमा पनि कहिलेकाहीं उनको फ्ल्याटमा रहेको उनको घरपालुवा पाडोको झलक देख्न सकिन्छ। चेन र उनको बुल डेमन किङको तस्बिर र भिडियो चिनियाँ सामाजिक सञ्जालमा निकै भाइरल भइरहेको छ। भिडियोमा ३० वर्षीय पूर्व बक्सर चेनले चार महिनाको पाडोलाई सफा गर्दै, खुवाउँदै, लुगा लगाउँदै र घुम्न बाहिर लैजाँदै गरेको देखिन्छ।