अछाम । अछाममा टाउको नभएको अवस्थामा महिलाको शव फेला परेको छ।

ढकारी गाउँपालिका–२ चाइराखोलामा शुक्रबार एक महिलाको टाउको नभएको अवस्थामा बेवारिसे शव फेला परेको हो।

स्थानीयको सूचना अनुसार प्रहरी शवको पहिचान र अनुसन्धानका लागि प्रहरी टोली खटाइएको अछाम प्रहरी प्रमुख प्रहरी नायब उपरीक्षक इश्वरीप्रसाद भण्डारीले जानकारी दिए।

शव सडिसकेको अवस्थामा रहेकाले घटना शंकास्पद रहेको उनले बताए। प्रहरीले घटनाको अनुसन्धान थालिएको जनाएको छ।