काठमाडौं। हड्डी बलियो राख्नको लागि आहारमा पोषक तत्वले भरिपूर्ण खानेकुराहरू समावेश गर्नु महत्त्वपूर्ण हुन्छ। सेतो तिलमा क्याल्सियम, म्याग्नेसियम, फस्फोरस र अन्य आवश्यक खनिजहरू प्रशस्त मात्रामा पाइन्छ।

यसले हड्डीको स्वास्थ्यलाई मात्र बढावा दिँदैन ओस्टियोपोरोसिस (हड्डी कमजोर हुनु)जस्ता रोगहरूलाई रोक्न पनि मद्दत गर्छ। हड्डी बलियो बनाउन सेतो तिल कसरी उपयोगी हुन्छ। जानौं यसका अन्य फाइदाहरु

क्याल्सियमको उत्कृष्ट स्रोत
हड्डी बलियो बनाउन क्याल्सियम सबैभन्दा आवश्यक पोषक तत्व हो। सेतो तिलमा क्याल्सियम प्रचुर मात्रामा पाइन्छ। लगभग १०० ग्राम सेतो तिलमा ९७५ मिलीग्राम क्याल्सियम हुन्छ, जुन दूधभन्दा बढी हो। नियमित रूपमा खानामा तिल समावेश गर्नाले हड्डीको घनत्व बढ्छ र फ्र्याक्चरको जोखिम कम हुन्छ।

म्याग्नेसियम र फस्फोरस पनि पाइन्छ

क्याल्सियमको अतिरिक्त, म्याग्नेसियम र फस्फोरस पनि हड्डीको स्वास्थ्यको लागि आवश्यक छन्। म्याग्नेसियमले क्याल्सियम अवशोषणमा मद्दत गर्छ भने फस्फोरसले हड्डीको संरचनालाई बलियो बनाउँछ। यी दुवै खनिजहरू सेतो तिलमा प्रचुर मात्रामा पाइन्छ, जसले हड्डीलाई लामो समयसम्म स्वस्थ राख्न मद्दत गर्छ।

जिंक र तामा पनि पाइन्छन्

सेतो तिलमा जिंक र तामा पनि पाइन्छ, जुन हड्डीको लागि फाइदाजनक हुन्छ। जिंकले हड्डी निर्माण र मर्मत गर्न मद्दत गर्छ, जबकि तामाले कोलाजेनको निर्माणमा मद्दत गर्छ, जसले हड्डीको लचिलोपन कायम राख्न मद्दत गर्छ।

एन्टी–इन्फ्लेमेटरी गुणहरू
तिलमा सेसामिन र सेसामोलिन जस्ता एन्टिअक्सिडेन्ट हुन्छन्, जसले शरीरमा सूजन कम गर्छ। गठिया जस्ता हड्डीसँग सम्बन्धित रोगहरूमा सूजन एक प्रमुख समस्या हो। तिल खाँदा यी समस्याहरू कम गर्न मद्दत गर्न सक्छ।

प्रोटिन र स्वस्थ बोसो
हड्डी बलियो राख्नको लागि प्रोटिन पनि महत्त्वपूर्ण छ किनभने यसले हड्डीको तन्तु निर्माण गर्न मद्दत गर्छ। सेतो तिलमा प्रोटिन र स्वस्थ बोसो (जस्तै ओमेगा-३ र ओमेगा-६) पाइन्छ, जुन हड्डीका साथै समग्र स्वास्थ्यको लागि फाइदाजनक हुन्छ।

आफ्नो खानामा सेतो तिल कसरी समावेश गर्ने?:
-तिलको लड्डुः तिलको लड्डु बनाउनुहोस् र त्यसलाई गुड वा महसँग खानुहोस्।

-तिल चिक्कीः बदाम र गुड़सँगको तिल चिक्की एक स्वस्थकर खाजा हो।

-सलादमा छर्कनुहोस्ः सलाद वा सुपमा भुटेको तिल छर्केर खानुहोस्।

-तिलको तेलः तिलको तेलले मालिस गर्नाले हड्डी पनि बलियो हुन्छ।