काठमाडौं । जम्मू कश्मीरको पहलगाममा भएको आक्रमणपछि पाकिस्तान सरकारले पहिलो प्रतिक्रिया दिएको छ।

पाकिस्तानले आफ्नो विज्ञप्तिमा भनेको छ, “भारतीय पक्षद्वारा गैरकानूनी रूपमा कब्जा गरिएको जम्मू कश्मीरको अनन्तनाग जिल्लामा भएको आक्रमणमा पर्यटकहरूको मृत्यु भएकोमा हामी गहिरो दुःखी छौं। हामी मृतकका परिवारप्रति समवेदना व्यक्त गर्दछौं र घाइतेहरूको शीघ्र स्वास्थ्यलाभको कामना गर्दछौं।”

यसबाहेक, पाकिस्तानका रक्षामन्त्री ख्वाजा आसिफले पहलगाम आक्रमणको बारेमा एक पाकिस्तानी समाचार च्यानलसँग कुरा गरेका थिए। उनले यस आक्रमणमा पाकिस्तानको कुनै सम्बन्ध नभएको बताएका थिए । उनले यसलाई भारतको आन्तरिक मामिला भनेका थिए।