काठमाडौँ । केही सातादेखि निरन्तर उच्च रुपमा बढिरहेको प्याजको भाउ आईतबार पनि बढेको छ ।

काठमाडौँको कालिमाटी फलफुल तथा तरकारी बजारले आईतबार सार्बजनिक गरेको मूल्य सूची अनुसार सुकेको प्याज एक केजीमा २५ रुपैयाँ बढेको हो ।

शुक्रबार सुकेको प्याज एक सय ९० देखि दुई सय रुपैयाँमा खुद्रा बिक्री भएको प्याज आईतबार बढेर प्रतिकेजी २ सय २५ रुपैयाँ पुगेको हो ।

आईतबार प्याजको थोक औसत मूल्य एक सय ८० रुपैयाँ रहेको छ ।

त्यस्तै आज नेपाली गोलभेडा ठूलो एक केजीको थोक औसत मूल्य ६० रुपैयाँ पुगेको छ भने खुद्रा औसत मूल्य ९५ रुपैयाँ रहेको छ । यो भाउ गत शुक्रबारको तुलनामा १० रुपैयाँ बढी हो ।

त्यस्तै रातो आलु एक केजीको थोक मुल्य ४८ देखि ५० रुपैयाँसम्म रहेको छ भने खुद्रा मुल्य ६५ देखि ७० रुपैयाँसम्म रहेको कालिमाटी फलफुल तथा तरकारी बजारले जनाएको छ। शुक्रबार सोही आलको थोक मूल्य ४४ देखि ४८ रुपैयाँ तथा खुद्रा मूल्य ५५ देखि ६५ रुपैयाँ रहेको थियो ।

हेर्नुहोस् आजको थोक तथा खुद्रा मुल्य