काठमाडौँ । आज साताको पहिलो दिन (आइतबार) नेपाली बजारमा सुनको भाउ पुनः बढेको छ ।

शुक्रबार ४ सय रुपैयाँ घटेको सुनको भाउ आज पुनः तोलामा ५ सय रुपैयाँ बढेको हो । आज छापावाल सुन प्रतितोला ७१ हजार ३ सय रुपैयाँ तथा तेजावी सुन प्रतितोला ७१ हजार रुपैयाँमा कारोबार भईरहेको नेपाल सुनचाँदी व्यवसायी महासंघले जनाएको छ।

गत शुक्रबार प्रतितोला छापावाल सुन ७० हजार ८ सय तथा तेजावी सुन ७० हजार ५ सय रुपैयाँमा कारोबार भएको थियो ।

त्यस्तै आज चाँदीको मूल्य पनि उकालो लागेको छ । आज चाँदी प्रतितोला ८ सय ४५ रुपैयाँमा कारोबार भइरहेको छ। शुक्रबार चाँदी ८ सय ४० रुपैयाँमा कारोबार भएको थियो ।