पोखरा । शुक्रबार पोखरा प्रिमियर लिग (पीपीएल) अन्तर्गत चितवन राइनोज र धनगढी ब्लुजबीचको खेलमा चितवनले टस जितेर ब्याटिङ गरिरहेको छ ।

यो समाचार तयार पार्दासम्म ८ ओभर बल खेल्दै २ विकेटको क्षतिमा ६७ रन बनाएर खेलिरहेको छ ।

चितवनका लागि सुरुवाती ११ मा कप्तान पारस खड्का, भुवन कार्की, करन केसी, सुमित महर्जन, विकेट किपर अनिलकुमार शाह, हरिशकर साह, मोहम्मद आरिफ शेख, विक्रम सोव, सन्नी पटेल, रोहन मुस्तफा र बाबर हायात रहेका छन् ।

त्यस्तै धनगढी ब्लुजमा कप्तान दिपेन्द्र सिंह ऐरी, शुभेन्दु पाण्डे, सन्दीप जोरा, कमल सिंह ऐरी, सौरभ खनाल, अनिल खरेल, सन्दीप रजाली, सागर ढकाल, रोड्रिगो थोम्सन, विकेट किपर श्रिमन्था विजेयारत्ने र अमित यादव रहेका छन् ।

अहिले खेल एकदमै रोमाञ्चक भइरहेको छ । दर्शकहरुको बाक्लो भिड रहेको छ । भने खेल हेर्न पूर्व मिस नेपाल श्रीङ्खला खतिवडासमेत रंगशाला आइपुगेकी छिन् ।

बिहीबारको खेलमा बुटवल ब्लास्टर्सलाई हराएको चितवन ४ अंककासाथ अंक तालिकाको शीर्ष स्थानमा छ । भने धनगढी २ अंकका साथ अंक तालिकाको पुच्छारमा रहेको छ ।