काठमाडौं। अस्ट्रेलियन बिग बाश लिगमा नेपाली खेलाडी सन्दिप लामिछाने आबद्ध मेलबर्न स्टार्सले आज पहिलो खेल खेल्दैछ । ब्रिस्बेन हीटविरुद्ध उसकै होमग्राउण्ड कारारामा हुने आजको खेल नेपाली समयअनुसार दिउँसो १ बजेर ५५ मिनेटमा सुरु हुँदैछ ।

आजको खेलमा मेलबर्नले टस (ब्याट फ्लिप) हारेर पहिले ब्याटिङको निम्तो पाएको छ । कप्तान ग्लेन म्याक्सवेलको कप्तानीमा मैदानमा उत्रिने टिममा नेपाली खेलाडी सन्दिप लामिछानेले स्थान पाएका छन् । यो खेल नेपालमा टेलिभिजनमा सोनी सिक्समा र अनलाइनमा सोनी लिभमा लाइभ हेर्न सकिनेछ ।