काठमाडौं। बिग बाश लिगमा नेपाली खेलाडी सन्दिप लामिछाने आबद्ध टिम मेलबर्न स्टार्सले ब्रिस्बेन हीटलाई १६८ रनको लक्ष्य दिएको छ । टस (ब्याट फ्लिप) हारेर पहिले ब्याटिङको निम्तो पाएको मेलबर्नले निर्धारित २० ओभरमा ७ विकेटको क्षतिमा १६७ रन बनाएको हो ।

मेलबर्नका लागि कप्तान ग्लेन म्याक्सवेलले तुफानी इनिङ खेल्दै ८३ रन बनाए । ३९ बलको सामना गरेका उनले ७ चौका र ५ छक्का प्रहार गरे । पिटर ह्याण्डसकम्बले २०, हिल्टन कार्टराइटले १८, मार्कुस स्टोइनिसले १६ र बेन डंकले ११ रन बनाए । ब्रिस्बेनका लागि जोश लालोर, म्याट रेन्शो, जहिर खान, बेल लग्लिन, मिचेल स्वेप्सन र बेन कटिङ सबैले १–१ विकेट लिए । १ विकेट रनआउटको रुपमा गएको थियो ।