पोखरा । पोखरा प्रिमियर लिग (पीपीएल) अन्तर्गत विराटनगर टाइटन्सविरुद्ध खेलिरहेको काठमाडौ गोल्डेनका खेलाडी किसन कोल्सावाला आउट भएका छन् ।

टस जितेर ओपनरको रुपमा मैदान प्रवेश गरेका उनी अर्धशतक बनाउँदै पुनीत मेहराको बलमा शाहव आलमको हातबाट क्याच आउट भएका हुन् । उनले ४३ बलमा ५ चौका र २ छक्काको मद्दतले ५५ रन बनाए ।

यो समाचार तयार पार्दासम्म काठमाडौं १५ ओभर १ बलमा ३ विकेट गुमाउँदै १ सय १५ रनमा खेलिरहेको छ ।

यसअघि तीनवटा खेल खेलेको काठमाडौं १ जित र २ हारसहित अंक तालिकाको तेस्रो नम्बरमा छ । भने दुईवटा खेल खेलेको विराटनगर १ जित १ हारसहित अंक तालिकाको चौंथो नम्बरमा छ ।