एजेन्सी । साविक विजेता बार्सिलोनाले स्पेनिस ला लिगा फुटबलमा सहज जित निकालेको छ ।

शनिबार राति भएको खेलमा बार्सिलोनाले डिपोर्टिभो अल्भेसलाई ४–१ गोल अन्तरले पराजित गरेको हो ।

घरेलु मैदानमा बार्सिलोनालाई जित दिलाउन एन्टोनियो ग्रीजम्यान, अर्टुरो भिदाल, लियोनल मेस्सी र लुइस स्वारेजले एक एक गोल गरे । अल्भेसका पीरी पोन्सले एक गोल फर्काए ।

जितसँगै शीर्ष स्थानको बार्सिलोनाले १८ खेलमा ३९ अंक जोडेको छ । र, लिगमा तीन अंकको अग्रता बनाएको छ ।