काठमाडौं। नेपाली लेगस्पिनर सन्दिप लामिछाने अहिले अस्ट्रेयिामा छन् । अहिले उनको टिम मेलबर्न स्टार्सले होबार्ट हरिकेन्ससँग खेलिरहेको छ । खेलको दोस्रो इनिमा बलि तथा फिल्डि गर्न मैदान छिरेका सन्दिपसँग अटोग्राफ लिन एक अस्ट्रेलियन बालक मैदानभित्रै छिरे । सन्दिपले ती बालकलाई उनले लगाएको क्यापमा अटोग्राफ दिएका छन् ।

आजको खेलमा टस जितेर पहिले ब्याटिङ रोजेको मेलबर्नले निर्धारित २० ओभरमा ४ विकेटको क्षतिमा १६३ रन बनाएको छ । मेलबर्नका लागि ओपनर मार्कुस स्टोइनिसले नटआउट ८१ रन बनाए । ५४ बलको सामना गरेका उनले ७ चौका र ४ छक्का हाने । अर्का ओपनर निक म्याडिन्सनले ४० रन बनाए । बेन डंकले १९ र हिल्टन कार्टराइटले नटआउट १३ रन बनाए । होबार्टको लागि रिले मेरेडिथले ३ विकेट र काइस अहमदले १ विकेट लिए । १६४ रनको लक्ष्य पाएको होबार्टले ब्याटिङ थालेको छ ।