काठमाडौं। अस्ट्रेलियन बिग बाश लिगको जारी खेलमा नेपाली खेलाडी सन्दिप लामिछानेले कसिलो बलिङ गरेका छन् । २ ओभर बलिङ गर्दा कुनै बाउण्ड्री नदिएका उनले १ विकेट पनि लिइसकेका छन् ।

होबार्ट हरिकेन्सविरुद्धको खेलमा लामिछानेले कसिलो बलिङ गर्दै आफ्नो पहिलो ओभरमा मात्रै ३ रन दिएका थिए । आफ्नो दोस्रो ओभरमा मात्रै २ रन दिएका उनले टिकेर खेलिरहेका ब्याट्सम्यान क्यालेब जेवेलको विकेट लिए । उनले जेवेललाई क्लिन्ट हिन्च्लििफको हातबाट क्याच आउट गराए ।

हरिकेन्स दबाबमा आएसँगै स्टार्सका कप्तान ग्लेन म्याक्सवेलले दुबै तर्फबाट लेगस्पिन बलिङ गराइरहेका छन् । एउटा इण्डबाट सन्दिप र अर्को इण्डबाट अर्का लेगस्पिनर एडम जाम्पालाई बलिङ गराएका छन् र दुवै बलरले विकेट पनि लिइरहेका छन् ।