काठमाडौं। अभिनेत्री विनिता बराल आमा बनेकी छिन्। अमेरिकामा रहेकी विनिताले मंगलबार छोरीलाई जन्म दिएकी हुन्। बुधबार साँझ सामाजिक सञ्जाल फेसकुबमार्फत उनी स्वयंमले यो कुराको जानकारी दिएकी हुन्।

क्रिसमस डेको अघिल्लो दिन आमा बनेकी विनिताले छोरीसंगको तस्वीर फेसबुकमा राख्दै यसलाई ‘सबैभन्दा राम्रो क्रिसमस उपहार’ भन्दै खुसी व्यक्त गरेकी छन्। उनले छोरीको नाम ‘काया’ राखिएको समेत खुलाएकी छिन्।

केही बर्ष अगाडि अध्ययनका लागि भन्दै अमेरिका पुगेपछि विनिता र तिलक पौडेलबीच प्रेम सम्बन्ध रहेको थियो। तीन वर्षको प्रेम सम्बन्धलाई उनीहरुले केही महिना अगाडी विवाहमा परिणत गरेका थिए।

विनिता आमा बनेसंगै अहिले सामाजिक सञ्जालमा उनलाई चलचित्रकर्मी तथटा शुभचिन्तकले बधाई दिईरहेका छन्।

चलचित्र ‘चपली हाइट’ मा बोल्ड सिन दिएपछि विनिता एकाएक चर्चामा आएकी थिइन्। त्यसयता उनले केही चलचित्रमा अभिनय गरिन् तर सफल भएनन्। लगातार चलचित्र असफल भएपछि उनले केही समय कृषि समेत गरेकी थिइन्।