दोहा । विभिन्न मुद्दामा कतारका जेलमा सजाय कटाई रहेका ९ जना नेपाली कैदीलाई कतार सरकारले आममाफी दिएको छ । आज एक विज्ञप्ति जारी गर्दै दोहास्थित नेपाली राजदूतावासले उनिहरुलाई रिहाई समेत गरेको जानकारी दिएको छ ।

कतारको केन्द्रीय कारागारमा विभिन्न आरोपमा सजाए भोगिरहेका उनीहरुलाई कतारको राष्ट्रिय दिवसको अवसरमा सरकारले आममाफी दिएको हो । आममाफी पाएसंगै उनीहरुलाई नेपाल फिर्ता पठाउन दूतावासले सहजिकरण गरिरहेको छ ।

कतार सरकारले हरेक वर्ष राष्ट्रिय दिवसको अवसरमा कारागारमा सजाय भोगिरहेकामध्यबाट उनीहरुको चालचलन र उनीहरुको माथि लागेको आरोपको प्रकृति हेरेर बन्दीहरुलाई आममाफी दिने गरेको छ ।