मुम्बइ। टिभी अभिनेता कुशल पंजाबीले आत्महत्या गरेका छन् । गत रात घरमा कुशलको शव झुण्डिएको अवस्थामा भेटियो । कुशलको उमेर ३७ वर्षको थियो । उनको आकस्मिक निधनले टिभी उद्योगका स्टार र फ्यान शोकमा छन् । आज दिउँसो १ बजे कुशलको अन्तिम संस्कार गरिँदैछ । रिपोर्टका अनुसार उनको हेयर ट्रान्सप्लान्ट सर्जरी गलत भएको थियो र उनी डिप्रेसनमा थिए ।

कुशल पंजाबीको निधनको खबर अभिनेता करणवीर बोहराले इन्स्टाग्राममा दिएका हुन् । कुशल र करणवीर राम्रो साथी थिए । कुशललाई पछिल्लो पटक सिरियल इश्क में मरजावांका देखिएको थियो । कुशलले युरोपेली युवतीसँग बिहे गरेका थिए । उनका एक छोरा छन् । छोराको जन्म २०१६ मा भएको थियो । मोडलबाट करिअर सुरु गरेका कुशल कैयौं ठूला फिल्म र टिभी शोमा काम गरेका थिए ।