काठमाडौं। अहिले अभिनेत्री वर्षा शिवाकोटी एकाएक चर्चामा आएकी छिन् । फिल्मका कारण नभइ वर्षा अहिले फोटोका कारणचर्चामा छिन् । अहिले नयाँ सिनेमा ‘चालबाज’को छायांकनका लागि दार्जिलिङ पुगेकी वर्षाले बढिरहेको जाडोको बीचमा बिकिनी फोटो पोस्ट गरेपछि चर्चामा आएकी हुन् । उनको यो फोटोले ‘हिरोइनलाई जाडो हुँदैन’ भन्ने चर्चालाई बल दिएको छ ।

यद्यपि यी फोटो अहिलेका भने होइनन्। यी फोटोहरु वर्षाले केही समयअघि ग्रिस पुगेका बेला खिचेकी हुन् । ‘नाईं नभन्नू ल २’ बाट सिनेमामा डेब्यू गरेकी थिइन् । त्यसयता उनलाई सिनेमाको अभाव रहेन । हालसम्म आउँदा वर्षाले दुई दर्जन सिनेमामा अभिनय गरिसकेकी छिन्। उनी पछिल्लो समय ‘वीर बिक्रम’ को सिक्वेल ‘वीर बिक्रम २’मा अभिनेत्री थिइन्।

यहाँसम्मको यात्रामा उनको सिनेमा करिअरको ग्राफ खासै सन्तोषजनक देखिँदैछ। उनका सिनेमा लगातार असफल भईरहेका छन्। तर सौभाग्य, सिनेमा असफल भएपनि यी अभिनेत्री भने व्यस्त नै छिन्। केही दिनअघि ‘लक्का जवान’को छायांकन सकिन्। अहिले नयाँ सिनेमा ‘चालबाज’को छायांकनका लागि दार्जिलिङ पुगेकी छिन्। यसको छायांकनपश्चात उनी सिनेमा ‘सुदूर’मा व्यस्त हुनेछिन्।