काठमाडौं। नेपालका सबैजसो मुख्य अनलाइन समाचार पोर्टलहरुका समाचारहरु एउटै एपमा पढ्न सकिने गरी ‘टाइम्स अफ नेपाल’ नामक मोवाइल एप सार्वजनिक गरिएको छ । यो एप मोवाइलमा राखेपछि नेपालका सबैजसो मुख्य अनलाइन मिडियाका समाचार यही एपमै पढ्न सकिने बताइएको छ ।

यो एपमा नेपालका टप अनलाइन न्युज पोर्टलहरूलाई समावेश गरिएको छ। यो एपमा आर्दिफिसियल इन्टिेलिजेन्स समेत छ जसले पाठकको रुचीअनुसारका समाचारलाई प्राथमिकताका साथ अगाडि देखाउँछ । एपमा पाठकका लागि सजिलो होस भनेर समाचारहरूलाई विभिन्न विधामा वर्गिकरण गरिएको छ । यस एपमा भविष्यका लागि समाचारहरु सुरक्षित गरेर पनि राख्न मिल्छ ।

एपमा राम्रो लागेका र जरुरी समाचारहरू सेयर गर्ने सुविधा पनि छ । यो एप एन्ड्रोइड तथा एप्पल दुवैमा उपलब्ध छ । यो एपमा प्रयोगकर्ताको आँखाका लागि सहज बनाउनका लागि लाइट मोड तथा डार्क मोड दुवै उपलब्ध छ । एपमा समाचार पढ्न मात्र हैन समाचारहरू सुन्न पनि सकिन्छ । यसमा प्रयोगकर्ताले आफूले विश्वास गर्ने समाचार पोर्टलहरु मात्र छानेर राख्ने सुविधा पनि छ ।