काठमाडौँ । सुनसरी दुहबीस्थित चौधरी ग्रुपको पशुपति विस्कुट फ्याक्ट्रीमा भीषण आगलागी भएको छ। मंगलबार राति ८ बजे यता आगलागी भएको हो ।

प्रहरीका अनुसार आगलागी नियन्त्रणको प्रयास भइरहेपनि नियन्त्रणभन्दा बाहिर रहेको छ । आगलागीस्थलमा प्रहरी, सशस्त्र प्रहरी तथा विभिन्न नगरपालिकाबाट आएका एक दर्जन दमकलको सहायतामा आगो निभाउने प्रयास जारी छ ।

आगो के कारण लागेको हो भन्ने खुल्न सकेको छैन। यस्तै आगलागीबाट भएको क्षतिको विवरण प्राप्त हुन सकेको छैन।