काठमाडौं। डिसीनेपाल डटकमका सम्पादक प्रमोद ढुंगानालाई पितृशोक परेको छ । ढुंगानाका पिता बुद्धिबहादुर ढुंगानाको ८६ वर्षको उमेरमा बुधबार राती निधन भएको हो ।

सिरहाको कल्याणपुर नगरपालिका–१ अर्नामामा जन्मिएका स्वर्गीय ढुंगानाका ५ छोरा र २ छोरी छन् । स्वर्गीय ढुंगाना हाल विराटनगर बस्दै आएका थिए । उनको विराटनगरमै देहान्त भएको हो । दिवंगत ढुंगानाको आजै पशुपति आर्यघाटमा अन्तिम संस्कार गरिएको छ । दिवंगत ढुंगानाको शोक सन्तप्त परिवारप्रति डिसीनेपाल डटकम परिवार हार्दिक समवेदना प्रकट गर्दछ ।