काठमाडौँ । मकवानपुरको एक होटलमा ८ भारतीय पर्यटक बेहोस भेट्टिएका छन् ।

मकवानपुरको थाहा नगरपालिका–४, दामनस्थित एभरेस्ट पानोरमा रिसोर्टमा बसेका ८ भारतीय पर्यटक मंगलबार बिहान बेहोस अवस्थामा भेटिएका हुन्।

बेहोस् अवस्थामा भेट्टिएका उनीहरुलाई हेलिकोप्टरमार्फत उपचारका लागि काठमाडौँ ल्याईएको छ ।

नेपाल घुम्न आएका ४ पुरुष र ४ महिला होटलमा बेहोस भेटिएको जिल्ला प्रहरी कार्यालय मकवानपुरले जनाएको छ ।

भारतको केरलाबाट नेपाल घुम्न आएका १५ जना भारतीय मध्ये ८ जना एउटै कोठामा सुतेका थिए ।