काठमाडौँ । आज प्रतिनिधिसभाले लामो समयदेखि रिक्त रहेको सभामुख पाउने भएको छ । संघीय संसद सचिवालयले सार्वजनिक गरेको कार्यतालिका अनुसार आज दिउँसो ३ बजे संसद् भवन नयाँ बानेश्वरमा प्रतिनिधिसभाको बैठक बस्दैछ ।

सभामुखको लागि नेकपाका स्थायी कमिटी सदस्य अग्नि सापकोटाको मात्रै उमेदवारी परेकोले उनी सभामुख निर्वाचित हुने पक्कापक्की छ।

तत्कालिन सभामुख कृष्ण बहादुर महाराले महिला बलात्कारको मुद्दा लागेसँगै गत असोजमा राजीनामा दिएका थिए ।

गत सोमबार उपसभामुख शिवमाया तुम्बाहाङ्फेले पनि राजीनामा गरेपछि नेकपाले सभामुखमा उम्मेदवारी दिएको हो।

यता संसद्को दोस्रो ठुलो तथा प्रतिपक्षी दल नेपाली कांग्रेसले पनि सभामुखमा उम्मेद्वार उठाएको छैन ।