टोकियो । जापानमा १५ जना नेपाली काम गरिरहेको ठाउँबाट पक्राउ परेका छन् । त्यहाँको प्रहरीले छापा मारेर उनीहरुलाई पक्राउ गरेको हो । राजधानी टोकियो नजिकैको हाचिओजीमा काम गरिरहेका उनीहरुलाई अध्यागमन विभागको टिमसहित पुगेको प्रहरीले छापा मारेर पक्राउ गरेको हो ।

ती नेपालीहरुले आफूहरुसँग भएको भिसामा गरिएको व्यवस्था उल्लंघन गर्दै अनुमति नपाएको काम गरिरहेकोले पक्राउ गरिएको बताइएको छ । ती कामदारहरुले औद्योगिक काम गरिरहेका थिए तर उनीहरुलाई दिइएको भिसामा औद्योगिक क्षेत्रमा काम गर्ने अनुमति थिएन । पक्राउ परेका मध्ये धेरैजसो कुक भिसामा रहेको बुझिएको छ ।

सोही कम्पनीमा काम गर्ने एक नेपालीका अनुसार बुधबार बिहान कम्पनीको काम सुरु हुनै लाग्दा उनीहरु पक्राउ परेका हुन् । पक्राउ पर्ने नेपालीहरू को–को थिए भन्ने बारे अहिलेसम्म खुलेको छैन ।

सुकुटी र मासु बोकेर जापान पुगेका २ नेपालीलाई ३ वर्षे भिसा रद्द गरेर फर्काइयो