एजेन्सी । बलिउडका स्टार किड तैमुर अलि खान हालै आफ्नी ठूली आमा करिश्मा कपुरको घरमा देखिए । आमा करिना कपुरसँगै करिष्माको घरमा गएका तैमुरका तस्विर यतिबेला सामाजिक संजालमा भाइरल बनेका छन् ।

जब करिना आफ्नो कारबाट ओर्लिएर तैमुरलाई करिश्माको घरभित्र लैजाँदै थिइन्, पत्रकारहरु फोटो खिच्न लागे । करिना छोरालाई भित्र तानिरहेकी थिइन् तर तैमुर भने फोटोग्राफर्सलाई विभिन्न पोज दिइरहेका थिए ।

यतिमात्र होइन तैमुरलाई भित्र लैजान करिनालाई हम्मे हम्मे नै पर्यो । करिना छोराको हात समातेर भित्र तानिरहन्थिन् भने तैमुर बाहिर आइरहेका थिए । तैमुर पटक पटक बाहिर निस्केर फोटोग्राफर्सलाई मुस्कान दिइरहेका थिए । तस्विरमा उनी निकै आर्कषक र मायालु स्वभाबमा देखापरेका छन् ।