कुर्दिस्तान । नेपाली महिला समाज कुर्दिस्तानको अध्यक्षमा निमडोमा शेर्पा निर्विरोध चयन भएकी छिन् । समाजको  गत ३१ जनवरीमा  हिमालयन रेस्टुरेन्ट सुलेमानिमामा सम्पन्न दोश्रो वाषिर्कोत्सव तथा अधिवेशनले शेर्पाको नेतृत्वमा  ९ सदस्यीय नयाँ कार्य समिति चयन गरेको हो।

वाषिर्कोत्सव सानू शेर्पाको सभापतित्व तथा एनआरएनए इराकका अध्यक्ष लाल काजी गुरुङ्को प्रमुखआतिथ्यतामा सम्पन्न भएको थियो।

कार्यक्रममा कुर्दिस्तान सुलेमानी र अर्बिलका संघ संस्थाहरूका पदाधिकारीहरूको पनि उपस्थिति रहेको थियो।

दोश्रो वाषिर्कोत्सवको अवसरमा संस्थाका महासचिव निमडोमा शेर्पाले वार्षिक प्रतिवेदन प्रस्तुत गरेकी थिइन् भने आर्थिक प्रतिवेदन संस्थाका कोषाध्यक्ष सरिता तामाङले प्रस्तुत गरेकी थिइन्।

प्रतिवेदनमा इराक कुर्दिस्तानमा रहेर इराकमा रहेका समस्यामा परेका नेपालीहरूलाई सहयोग र नेपालमा रहेका पीडितहरूलाई पनि सहयोग गरिएको जनाएको छ ।

साधारण सभा सकिए पश्चात अधिवेशनले निमडोमा शेर्पाको अध्यक्षतामा नयाँ कार्यसमिति चयन गरेको हो।