काठमाडौं । राष्ट्रपति विद्यादेवी भण्डारी र सभामुख अग्निप्रसाद सापकोटाबीच शिष्टाचार भेटवार्ता भएको छ । बुधबार साँझ राष्ट्रपति निवास शीतलनिवासमा उनीहरुबीच पहिलो पटक शिष्टाचार भेटवार्ता भएको राष्ट्रपति भण्डारीका स्वकीय सचिव भेषराज अधिकारीले जानकारी दिए ।

उनका अनुसार उनीहरुबीच समसामयिक र संसद् गतिविधिबारेमा छलफल भएको थियो । करीब एक घण्टा भएको छलफलमा राष्ट्रपति भण्डारीलाई सभामुख सापकोटाले चालु संसद्बारे जानकारी गराएका थिए । सापकोटा गत माघ १२ गते सभामुखमा निर्वाचित भएका हुन् ।