काठमाडौं । आज सुनको मुल्यमा ऐतिहासिक रेकर्ड बनाएको छ । आज सुन तोलामा ४ सय रुपैयाँ बढेर अहिलेसम्मकै उच्च विन्दूमा पुगेको हो ।
मंगलबार २ सय रुपैयाँ बढेको सुनको भाउ आज ४ सय रुपैयाँ बढेको छ।

आज छापावाल सुन प्रतितोला ७७ हजार १ सय तथा तेजावी सुन प्रतितोला ७६ हजार ८ सय रुपैयाँमा कारोबार भईरहेको नेपाल सुनचाँदी व्यवसायी महासंघले जनाएको छ ।

मंगलबार छापावाल सुन ७६ हजार ७ सय तथा तेजावी सुन ७६ हजार ४ सय रुपैयाँमा कारोबार भएको थियो ।

आज सुनको भाउसँगै चाँदीको भाउ पनि बढेको छ । आज चाँदी प्रतितोला ९ सय ५ रुपैयाँमा कारोबार भईरहेको नेपाल सुनचाँदी व्यवसायी महासंघले जनाएको छ।

मंगलबार चाँदी ८ सय ९० रुपैयाँमा कारोबार भएको थियो ।