काठमाडौं । प्रधानमन्त्री केपी शर्मा ओलीको ‘भिजन टु एक्सन’ पुस्तक सार्वजनिक भएको छ । शनिबार एक कार्यक्रमकाबीच राष्ट्रकवि माधवप्रसाद घिमिरे र शताब्दी पुरुष सत्यमोहन जोशीले सार्वजनिक गरेका हुन् ।

आफ्नो ६९ औं जन्मदिनको अवशर पारेर प्रधानमन्त्री ओलीले पुस्तक सार्वजनिक गरेका हुन् । विमोचन कार्यक्रममा ओलीका बुवा पनि उपस्थित थिए । पुस्तकमा प्रधानमन्त्री ओलीले विकास र समृद्धिका विषयमा गरेका सम्बोधनहरु समावेश रहेका छन् । २ सय ४० पृष्ठ रहेको पुस्तक रत्न पुस्तक भण्डारले प्रकाशन गरेको हो ।