एजेन्सी । युवा स्टार खेलाडी अर्लिङ हालण्ड उत्कृष्ट फर्ममा रहँदा बोरुसिया डर्टमण्डले जर्मन बुन्डेस लिगा फुटबलमा सहज जित निकालेको छ । शनिबार भएको खेलमा डर्टमण्डले वेर्डर ब्रेमेनलाई २–० गोल अन्तरले हराएको हो ।

ब्रेमनको मैदानमा भएको खेलमा डर्टमण्डलाई जित दिलाउन डान जागाडोउले खेलको ५२ औँ मिनेटमा गोल गर्दै डर्टमण्डलाई अग्रता दिलाए । ६६ औँ मिनेटमा अर्लिङ हालाण्डले गोल गर्दै डर्टमण्डलाई सहज जित दिलाए ।

जितसँगै डर्टमण्ड २३ खेलमा ४५ अंक जोड्दै लिगको तेस्रो स्थानमा छ । १७ अंक जोडेको ब्रेमेन रेलिगेसन जोनमा छ ।