काठमाडौं । अभिनेता प्रदीप खड्काद्धारा अभिनित चलचित्र रोज मुलुकका साँढे तीन दर्जन सिनेमा हलमा दोस्रो सातामा प्रदर्शन भईरहेको यसका वितरक गोविन्द शाही र मनोज राठीले जानकारी गराएका छन् ।

काठमाडौंको मल्टिप्लेक्स र सिँगल थिएटरमा समेत रोज शनिबार पनि हाउसफुल भएको छ । शनिबार गोपिकृष्णको गोपि, गुण, अष्ट, बाराही, क्युएफएक्स सिभिज, एफक्युज केल टावर, कलँकी, बिएसआर बालाजु लगायतका फिल्महलहरुमा हाउसफुल भएको वितरक शाहीले जानकारी गराए ।

यो चलचित्र प्रदर्शन भएको पहिलो साता बिहिबारसम्मको व्यबसायिक रिपोर्ट सार्वजनिक गर्दै रोजले २ करोड ७६ लाखको व्यापार गरेको वितरकद्धयले जानकारी गराएका छन् । शुक्रबारबाट दोस्रो सातामा प्रदर्शन भएको रोजले शनिबार मोफसलका हलमा पनि राम्रो व्यापार गरेको छ।

रोज २२ भदौबाट देशव्यापी प्रदर्शनमा आएको हो । यो फिल्म गत शुक्रबार, शनिबार र बुधबार (तीज) को दिन सबैजसो सिनेमा हलमा हाउसफुल भएको थियो ।निरक पौडेलले निर्देशन गरेको चलचित्र रोजमा प्रदीप खड्कासँगै, पारमिता राज्यलक्ष्मी राणा, मिरुना मगर, कर्मा शाक्य, बरुण शमशेर जबरा, नरेश पौड्याल, केदार भुषाल, पल्पसा डंगोल, प्रकाश श्रेष्ठ, प्रदीप दाहाललगायत अभिनय छ। अग्रज चलचित्रकर्मी उद्धब पौडेलको प्रस्तुति रहेको रोजलाई मणिकरण केसी, आर्या पौडेल र आरोही केसीले निर्माण गरेक हुन्।