काठमाडौं। यस वर्षको होलीमा अद्भूत संयोग परेको छ । यस वर्ष आगामी फागुन २६ गते बेलुकी होलिका दहन हुनेछ । यस दिन नेपालका पहाडी जिल्लामा होली खेलिनेछ । भोलिपल्ट फागुन २७ मा तराइका जिल्लामा होली खेलिनेछ । होलिका दहन सोमबार पर्नु आफैंमा शुभ संयोग हो । यस वर्ष भने यो भन्दा पनि ठूलो संयोग परेको छ जुन योग ४९९ वर्षपछि बन्दैछ ।

यस वर्ष होलीमा बृहस्पति र शनिको विशेष योग बन्दैछ । यी दुवै ग्रह आ–आफ्नो राशीमा रहनेछन् । ज्योतिषका अनुसार २६ गते होलिका दहनको दिन बृहस्पति आफ्नो धनु राशीमा र शनि आफ्नो राशी मकरमा हुनेछन् । यसअघि यी दुई ग्रहको यस्तो संयोग ३ मार्च १५२१ मा बनेको थियो । यस वर्ष होलीमा शुक्र मेष राशीमा, मंगल र केतु धनु राशीमा, राहु मिथुन राशीमा, सूर्य र बुध कुम्भ राशीमा, चन्द्र सिंह राशीमा हुनेछन् । ग्रहको यो अद्भूत संयोगमा पर्ने होलीले शुभ फल दिनेछ । यस्तो योग शान्ति स्थापना गराउन सफल रहनेछ र मानिसहरुबीच टकराव अन्त्य हुनेछ ।