खोटाङ । प्रधानमन्त्री केपी शर्मा ओलीको स्वास्थ्य लाभको कामना गर्दै खोटाङको हलेसीमा दीप प्रज्ज्वलन गरिएको छ । नेपाल कम्युनिष्ट पार्टी (नेकपा) हलेसी तुवाचुङ नगर समितिले मंगलबार साँझ हलेसी मन्दिर अगाडि ‘प्रम केपी ओलीको शिघ्र स्वास्थ्य लाभको कामना’ लेखेर दीप प्रज्ज्वलन गरेको हो ।

दीप प्रज्ज्वलनसँगै राष्ट्रिय गान बजाएर सबैले उपचाररत् प्रधानमन्त्री ओलीको स्वास्थ्य लाभको कामना गरिएको नगर समितिका सचिवालय सदस्य सर्वधन बस्नेतले बताए । दीप प्रज्ज्वलन कार्यक्रममा सत्तारुढ दल नेकपाका जिल्ला एवं नगर समितिका नेता तथा कार्यकर्ता र स्थानीयवासीको उपस्थिति रहेको थियो । प्रधानमन्त्री ओलीको बुधबार काठमाडौँस्थित त्रिवि शिक्षण अस्पतालमा मिर्गौला प्रत्यारोपण हुँदैछ ।