एजेन्सी । सन् २०२० मा आयोजना हुने कोपा अमेरिका फुटबल एक वर्ष पछि सरेको छ । विश्वभर महामारीको रुपमा फैलिएको कोरोना भाईरस (कोभिड–१९) को जोखिमलाई मध्यनजर गरेर कोपा अमेरिका सन् २०२१ सम्मको लागि सारिएको साउथ अमेरिकन फुटबल कन्फेडेरेसनले जनाएको छ ।

अर्जेन्टिना र कोलम्बियामा हुने कोपा अमेरिका १२ जुन देखि १२ जुलाईसम्म आयोजना हुने तालिका रहेको थियो । तर, कोरोनाको कारण कोपा एक वर्ष सारिएको हो । कोपा अमेरिका आगामी वर्षको ११ जुन देखि ११ जुलाईसम्म हुने भएको छ।