काठमाडौँ । आज (बुधबार) नेपाली बजारमा सुनको भाउ पुनः बढेको छ ।

मंगलबार एकैदिन तोलामा २ हजार रुपैयाँ घटेको सुनको भाउ आज फेरि तोलामा एक हजार रुपैयाँ बढेको नेपाल सुनचाँदी व्यवसायी महासंघले जनाएको छ।

महासंघको सूची अनुसार, आज छापावाल सुन प्रतिताला ७६ हजार ५ सय तथा तेजावी सुन प्रतितोला ७६ हजार २ सय रुपैयाँमा कारोबार भइरहेको छ ।

मंगलबार छापावाल सुन प्रतितोला ७५ हजार ५ सय तथा तेजावी सुन ७५ हजार २ सय रुपैयाँमा कारोबार भएको थियो ।

यस्तै, आज सुनको मूल्य बढेपनि चाँदीको मूल्य भने स्थिर छ । आज चाँदी प्रतितोला ७ सय १० रुपैयाँमा कारोबार भईरहेको छ।

मंगलबार पनि चाँदी सोही मुल्यमा कारोबार भएको थियो ।

विश्वभर देखिएको कोरोनाको महाभारीले अन्तर्राष्ट्रिय बजारमा उतारचढाव भइरहेको र यसका प्रभाव नेपाली बजारमा पनि परेकाले मूल्य तलमाथि भइरहेको महासंघले जनाएको छ।