काठमाडौं । कोरोना भाइरसबाट मर्नेको संख्यामा चीनलाई उछिन्दै इटली पहिलो स्थानमा आएको छ । चीनको वुहानबाट सुरु भएको कोरोना भाइरसले यतिबेला यूरोपका देशहरुमा महामारीको रुप लिइरहेको छ । इटलीमा बिहीबारमात्र ४ सय २७ जनाको मृत्यु भएको छ ।

बिहीबारको पछिल्लो अपडेट अनुसार इटलीमा मृत्यु हुनेको संख्या ३ हजार ४ सय पाँच पुगेको छ । चीनमा भने ३ हजार २ सय ४५ रहेको छ ।
पछिल्लो अपडेट अनुसार चीनमा जम्मा ३४ जना नयाँ संक्रमित भेटिएका छन् भने इटलीमा ५ हजार ३ सय २२ जनामा नयाँ संक्रमण देखिएको छ ।

चीन र इटली पछि इरानमा अरु देशहरुको भन्दा बढीको मृत्यु भएको छ भने अमेरिकामा मृत्यु हुनेको संख्या १ सय ६७ पुगेको छ ।