काठमाडौँ । कोरोना भाइरसको संक्रमणबाट पछिल्लो २४ घण्टामा मात्रै अमेरिकामा ७४२ जनाको ज्यान गएको छ। यो सँगै अमेरिकामा कोरोना भाइरसको संक्रमणबाट ज्यान गुमाउनेको संख्या ३ हजार ८ सय ८३ पुगेको छ ।

यस्तै २४ घण्टामा अमेरिकामा २४ हजार ४ सय ९२ जना नयाँ संक्रमित थपिएका छन् । यो सँगै अमेरिकामा कोरोना संक्रमितको संख्या १ लाख ८८ हजार २ सय ८० पुगेको छ । जसमध्ये ६ हजार ४ सय ६१ जना संक्रमित उपचारपछि घर फर्किसकेका छन् भने ३ हजार ९ सय ८८ जनाको गम्भीर अवस्थामा उपचार भइरहेको छ ।

यो समाचार तयार पार्दासम्म विश्वभर ८ लाख ५८ हजार १ सय २७ जना मानिस कोरोनाबाट संक्रमित भएका छन् । जसमध्ये ४२ हजार १ सय ४० जना संक्रमितको ज्यान गइसकेको अन्तराष्ट्रिय सञ्चारमाध्यमहरुले जनाएका छन् ।

संक्रमितमध्ये १ लाख ७७ हजार १ सय ४१ जना संक्रमित उपचारपछि घर फर्किएका छन् ।