मिथुन राशि (का.कि.कु.घ.ङ.छ.के.को.ह.) । मिथुन राशिको लागि यो वर्षको पहिलो खण्ड संघर्ष एवं कष्टको बाबजुत उपलब्धिकर रहने छ । रपनि निकै सावधानी अप्नाएर चल्नुपर्ने जरुरी भने देखिन्छ। केहीहद्सम्म व्यापार व्यवसायादिमा प्रगति हुनेछ ।

गोचरमा कुनै कुनै ग्रहको अवरोधसमेत रहेकोले सोको भने ग्रह उपाचरको उपाय अवलम्बन गरी अघि बढेको खण्डमा अपेक्षित कार्यमा सफलता पाउन सहज हुनेछ । रोजगारीको पर्खाईमा बसेकाहरुलाई नोकरी मिल्नसक्ने तथा विदेशयात्राको प्रतिक्षा गरेकाहरुलाई वैदेशिक यात्रा हुनसक्ने छ । भातृसुख मिल्ने तथा दाजुभाइबीचको सम्बन्धमा सुधार आउने छ ।

केही द्विविधाको बाबजुत दाम्पत्यगाँठो कसिने छ भने विवाहितहरुको दाम्पत्यसम्बन्ध एवं प्रेमपारखीहरुको प्रेमसम्बन्धमा पनि तसै सुधार आउने छ । कृषकहरुको लागि खेतीपाती तथा पशुपालनमा आंशिक सुधार देखिएको छ। पढाईमा विषयान्तर तथा अवरोधको स्थिति नआउला भन्न नसकिने भएकोले विद्यार्थी भाइबहिनीहरुले मनबुद्धिलाई शान्त एवं एकाग्र गर्ने अभ्यास गर्नु बुद्धिमानी हुनेछ ।