मेष
मेष राशि हुने व्यक्तिको लागि यो महिनामा अल्लि बढी दौडधुप पर्नेछ । र पनि केही उपलब्धि एवं व्यवसायिक लाभ हातपार्न सकिने छ।

वृष
वृष राशि हुने व्यक्तिको लागि यो महिना अल्लि संघर्षकर देखिएको छ । र पनि महिनाको शुरु र तेस्रो हप्तामा उपलब्धि एवं सफलता मिल्ने छ ।

मिथुन
मिथुन राशि हुने व्यक्तिको लागि यो महिनामा आशा अपेक्षा अल्लि बढी हुने तर उपलब्धि कम हुनेछ । आएको आश्वासनको पूरा भरोसा नगरेको सुखकर हुनेछ ।

कर्कट
कर्कट राशि हुनेहरूको लागि यो महिना उन्नति एवं उपलब्धिमूलक रहने छ । विशेष कामकार्यमा केहीहद्सम्म सफलता मिल्ने छ । केही महत्त्वपूर्ण अवसर प्राप्ति हुनेछ । पेशागत प्रतिष्ठा बढ्ने छ ।

सिंह
सिंह राशि हुने व्यक्तिको लागि यो महिना केही सुधारात्मक छ । विशेष चाहना गरेको काममा अड्चन आएपनि दैनिकी कार्यमा सफलता मिल्ने छ।

कन्या
कन्या राशिको लागि यो महिना धेरै अनुकूल देखिएको छैन । संघर्ष एवं स्वास्थ्यमा ज्वरो एवं पित्तविकार जन्य स्वास्थ्यमा प्रतिकूलताको भय देखिएको छ ।

तुला
तुला राशि हुनेहरूको लागि पनि यो महिना त्यति सहज देखिएको छैन । बढी महत्त्व दिएको काममा रोकावट आउनसक्ने भएकोले कार्ययोजना गराउँदा विचार पुर्याउनु उचित हुनेछ ।

वृश्चिक
बृश्चिक राशि हुने व्यक्तिको लागि यो महिना तपाईको पक्षमा छ । अधुरा कामकार्यहरुलाई पूर्णता दिन सकिने छ ।

धनु
धन राशि हुनेहरूको लागि यो महिना केही सुधार भएको छ । रपनि विशेष मानिएका कामहरुमा अड्चन आउने छ । सामान्य कामकार्यहरुमा भने केही सफलता मिल्ने छ।

मकर
मकर राशिको लागि यो महिना बढी चाहना गरेको काममा अवरोध तर खासै विचार नगरेको काम बनेर उपलब्धि मिल्ने छ।

कुम्भ
कुम्भ राशि हुने व्यक्तिहरूको लागि यो महिना मिश्रित रहने छ । शारीरिक जोशजाँगर बढेर आउने, कामकार्यमा मन लाग्ने र केही काममा सफलता हात पार्नसकिने छ । शारीरिक परिश्रमबाट सम्पादन गरिने कार्यहरु सफल हुनेछन् ।

मीन
मीन राशि हुनेहरूको लागि यो महिना उन्नतिकर रहने छ। सामान्यतया केही पक्षमा तनाब महसूस भएपनि अधिकांश पक्षमा अनुकूल एवं सफलताप्रद देखिएको छ।

वैशाख महिनाको पूरा राशिफल भिडियोमा हेर्नुहोस्